Соболезнование в связи со смертью народной артистки Х.Тимергалиевой. Хәмдүнә Тимергалиева вафатына мөфти Гайнетдин тәгъзиясе:

Татарстан вә Башкортстан республикаларының халык артисткасы Сәетгали кызы Хәмдүнә Тимергалиеваның вафаты уңаеннан якыннарының һәм милләтебезнең авыр кайгысын уртаклашам. Хәмдүнә Тимергалиева чын мәгънәсендә халыкчан, бар сәләтен һәм иҗатын халкына биргән, берничә буын тамашачының күңеленә халык җырларын сеңдергән артист иде. Иннә лилләһи вә иннә иләйһи раҗигун. Олы җырчыбызның рухы Аллаhның рәхим-шәфкатенә, мәрхәмәтенә ирешсен, яткан гүре якты булсын, барачак җире җәннәт бакчалары булсын дия догада торам.

Мөфти шәех Равил Гайнетдин,

Россия Федерациясе мөселманнары Диния нәзарәте

һәм Россия мөфтиләр шурасы рәисе,

Россия Федерациясе Президенты каршындагы

Дини оешмалар белән мөнәсәбәтләр кору буенча Совет әгъзасы